DXN कार्यक्रम भव्यताका साथ सम्पन्न केही तस्बिरहरू । तिनकुने काठमाण्डाै ।

 मिति २०७८ चैत्र ५ गते 

तिनकुने कार्यालयले  अायोजना गरेकाे कार्यक्रम भव्यताका साथ सम्पन्न भएकाे छ । यस कार्यक्रममा नेपालका  शिर्ष लिडरहरू उपस्थित हुनुभएको थियो । 

 

दरै भाषाकाे कमेडी भिडियो भाग २ DARAI COMEDY PART 2 ।

दरै भाषाया सबै कते पहिला बन्ल कमेडी भिडियाे क रूषया हायाँ सुरू करल भिडियाेक

भाग २ हजुरहरू समक्षा अइलाबाटै । 

दरै भाषाकाे कमेडी  भिडियाे 

video 

सिमकार्डबाट कसरी सस्ताेमा Internet ।

 नमस्कार 

आज म दरै मिडिया हाउसको तर्फबाट लेख्दै छु ।

दरै उत्थान समाजको ६औं अधिवेसनमा हामीले युटियुबबाट लाइभ प्रशारण गर्दै छौ ।

हामीले लाइभ त गर्ने तर सिमकार्डबाट भिडीयो हेर्न सबैलाई नआउन सक्छ त्यसैले 

सस्तोमा कसरी हेर्न सकिन्छ भन्ने जानकारी दिन लागी रहेको छु । 

नमस्ते सिमकार्ड बाट १८ रू मा १ घण्टा

*1415# Call

 8 Call

 1call

एनसेलबाट रू २३ मा १ घण्टा

*17114# Call

2 call

नमस्तेकाे म्यासेज ढिला पनी हुन सक्छ ।

आजै तल लिंक दिएकाे च्यानल SUBSCRIBE गर्नु होला घन्टीको चिन्ह लाइ पनी क्लिक गर्नुहाेला किनकी

सबै भन्दा पहिले तपाईलाई लाइभको जानकारी आउने छ ।

लिंक Darai Media House

सरबत्र भाइरल भएको सारूखान र मोटु पत्लुको शाह्रै राम्रो क्यारीकेचर ।

सुिटङको क्रममा फेला परेका लुकेर बसेका नेपालका हिरा अाज यो भिडियो मार्फत अाउदै हुनु हन्छ । यदी हेर्नु भएकाे छैन भने हेर्नु हाेला ।

                                                                भिडियो ।

SUBSCRIBE भटा भट बढल बाटै छुटल बाटाै की ? दरै कमेडी भाग २ अाइपुग्ल बाटै ।

हार दरै कमेडी भाग २ अाइपुग्ल बाटै सबैनी चाहिपनि कमेन्ट लाइक मन परित कने सेयर पनि करीके हखार्इ  । हाय करल कामका गल्ती बाटै कने  कहिके पाछु नापरीके हखार्इ  किसे कने हाराके हार गल्ती देखालार तहे सबैनी हो मनका लाग्ल कुरा कमेन्ट करू है ।

                                                    भिडीयाे चाहीके

दरै भाषाकाे कमेडी भिडियो भाग १ DARAI COMEDY PART 1 ।

यो दरै कमेडी  भिडीयोलार्इ नेपाली भाषामा पनि हेर्न चाहनु हुन्छ भने YOUTUBE मा भएकाे CC मा CLICK गरेर हेर्न सक्नु हुने छ ।

हाम्रो भिडियो लार्इ लार्इक कमेन्ट  सेयर र SUBSCRIBE गर्नु हुने सबैलार्इ हाम्रो टिमको तर्फबाट धेरै धेरै धन्यवाद  दिन चाहान्छाै ।

                                                 भिडियो हेर्नकाे लागी तल क्लिक गर्नु हाेला ।

तनहुँ जलविद्युत् अयोजनाको काम २ महिनाभित्र सुरु हुने ।

१४० मेगावाटको तनहुँ जलविद्युत् आयोजनाको ठेक्का सम्झौता दुई महिनाभित्र हुने भएको छ । एसियाली विकास बैंक (एडीबी) ले केही दिनभित्र ठेक्कासम्बन्धी कागजात स्वीकृत गर्ने हुँदा सम्झौता तयारी गरिएको हो । 
दुई महिनाभित्र सम्झौता गरी आगामी मंसिरदेखि आयोजनास्थलमा काम सुरु गर्ने तयारी थालिएको तनहुँ हाइड्रोपावर लिमिटेडका प्रबन्ध निर्देशक प्रदीपकुमार थिकेले बताए । “एडीबीले प्याकेज १ र २ को ठेक्कासम्बन्धी कागजात अर्थात् कम्पनी छनोटको स्वीकृत केही दिनभित्र दिन्छ,” उनले भने, “आवश्यक स्वीकृति प्राप्त हुनासाथ सम्झौता हुन्छ ।” 
कम्पनीले आयोजना आवास, आवश्यक विद्युत् व्यवस्थापनलगायत निर्माणको पूर्वतयारी पूरा गरेको छ । थिकेका अनुसार तेस्रो प्याकेज अर्थात् प्रसारणलाइन निर्माणको ठेक्काका लागि आशयपत्र माग गरिएको र असारसम्म सम्झौता हुनेछ । ३ वटै प्याकेजको काम समानान्तररूपमा गर्ने गरी तयारी भइरहेको पनि उनले बताए । नेपाल विद्युत् प्राधिकरणसँग केही दिनअघि आयोजनाको विद्युत् खरिद सम्झौता (पीपीए) मा प्रारम्भिक हस्ताक्षर भएको छ । 
५ करोड रुपैयाँ बैंक ग्यारेन्टी जम्मा गरेपछि यसै साता पीपीएमा अन्तिम हस्ताक्षर हुने थिकेले जानकारी दिए । करिब ५ वर्षभित्र निर्माण पूरा गर्ने लक्ष्य राखिएको आयोजनाको विद्युत् उत्पादन गर्ने मिति (आरसीओडी) २०८० चैत मसान्त तोकिएको छ । आयोजनाबाट उत्पादित विद्युत् ३५ किलोमिटर टाढा २२० केभीको न्यू–भरतपुर सबस्टेसनमा जोडिनेछ । 
आयोजनाका लागि हिउँदमा प्रतियुनिट १२.४० रुपैयाँ र वर्षामा प्रतियुनिट ६.०८ रुपैयाँ दर कायम भएको प्राधिकरणका प्रवक्ता प्रबल अधिकारीले बताए । वर्षामा बढी ऊर्जा उत्पादन हुने हुँदा खरिद दर कम भएको हो । सरकारले जलाशय आयोजनाको पीपीए हिउँदमा प्रतियुनिट १२.४० रुपैयाँ र वर्षामा प्रतियुनिट ७.१० रुपैयाँ निर्धारण गरेको छ । वर्षामा कुल ऊर्जा उत्पादन ५० प्रतिशत नाघ्न नहुने प्रावधान छ । तर, आयोजनाको वर्षाको ऊर्जा ६५ प्रतिशत कायम गरिएको छ । टेक अर पे (लिउ या तिर) प्रावधानमा गरिएको पीपीएमा वार्षिक ३ प्रतिशतका दरले ८ पटक मूल्यवद्धिको व्यवस्था गरिएको छ । आयोजना निर्माणमा भएको ढिलाइबारे सांसद कृष्णकुमार श्रेष्ठले व्यवस्थापिका संसद्मा आवाज उठाएका थिए ।

http://karobardaily.com बाट साभार 

नाेकरीबाट राजिनामा जादै हुनु हुन्छ भने साथमा हुनै पर्ने कागपत्र हरू ।

               

सरकारी नाेकरीबाट नाेकरी अबधी पुरा भएर जादै हुनुहुन्छ भने  तपार्इले बाेक्नै पर्ने कागजपत्रहरू के के हुन अाज जानकारी गराउन गर्इरहेकाे छु । जागीर खान जती सजिलाे हुन्छ नि छाेडन त्यति नै गाह्राे हुन्छ भन्ने भनार्इ सुनिन्छ  र याे बास्तमा हुन सक्छ  किनकी तपार्इले अाफुले बाेक्नु पर्ने कागजात बाेक्नु भएन भने ।
अाउनुहाेस के के चाहीने रहेछ ।

१ कार्यालयले दिने सम्पुर्ण पत्र हरू ।
२ नागरीकता ( अाफ्नाे र श्रीमतीकाे ) इच्छायकाे ब्यतिकाे  ।
३  बिवाहा दर्ता अथवा नाता प्रमाणित  इच्छायकाे ब्यतिकाे  ।
४ संचयकाेष लगाएत सबै कार्डहरू ।
५ अटाे साइजकाे फाेटाे  ६ वटा  पि पि साइजकाे ३ वटा ।
६  संचय काेषकाे कार्डकाे फाेटाेकपी ४ प्रती गरेर राख्नु हाेला  अन्य पनि फाेटाेकपी  गर्नु हाेला  ।
     तपार्इ नाेकरीबाट राजीनामा हुदा संचयकाेषमा काटिएकाे रकम अाउदै हुन सक्छ त्यसैले ५ ।७ महिना पछी         पुन चेक गर्न जानु हाेला । त्यसकाे लागी फाेटाेकपी चाहिन्छ ।
७  चेक अाउछ सबै अाफ्नाे खातामा जान्छ तर संचयकाेषकाे चेक  बैकमा दिदा  चेक र संचयकाेषकाे         फाेटाेकपी    साथमा दिनु हाेला ।
८  तपार्इकाे कार्यालयमा हुन्छ हालकाे पदमा बढुवा हुन भएकाे पत्र र  नियुती पत्र  ।

यसरी सम्पुर्ण तयारीका साथ जानु भयाे भने तपार्इलार्इ कुनै समस्या हुने छैन ।
अन्य  भएमा कमेन्ट बक्समा लेख्नु हाेला   र सबैलार्इ सेयर गर्नु हाेला ।

बच्चालार्इ कसरी अनुशासित बनाउने ?

तपाईं तीन–चार वर्षको बच्चालाई सुत्ने बेला खेलौना राख्न वा भिडियो बन्द गर्न भन्नुहुन्छ, ऊ मान्दैन । त्यतिबेला के गर्नुहुन्छ ? जब बच्चा गृहकार्य गर्न वा पढ्नको सट्टा खेल्नमात्र खोज्छ र कुनै दिन स्कुलमा शिक्षकको पिटाइ पनि खान्छ भन्ने सुन्नुहुन्छ, कस्तो महसुस गर्नुहुन्छ ? कहिले खान नमानेर, कुनै चिज मागेर र अझ कहिले त अरू बच्चासँंग झगडा गरेर दिक्क बनाएको बेला उसलाई अनुशासनमा राख्न तपाईंले अनेक उपाय लगाउने गर्नुभएकै होला ।

बच्चाले भनेको किन मान्दैन भन्ने सोच्नुभएको छ ? एक–दुई वर्षसम्म बच्चा तपाईंसंँग निर्भर हुने गथ्र्याे । उमेर बढ्दै गएपछि उसको आफ्नोपन बढ्दै जान्छ, अनि स्वतन्त्रतामा आनन्दित र अझ बढी सुरक्षित महसुस गर्न थाल्छ । केही हदसम्म उसमा विद्रोही भावना पनि आइसकेको हुन्छ । अझ महत्त्वपूर्ण कुरा त ऊ आफ्नो संवेगलाई नियन्त्रण गर्न बल्ल सिक्न थालेको हुन्छ । त्यसका लागि समय लाग्छ र निरन्तर अभ्यास पनि चाहिन्छ ।

बच्चाले भनेको नमान्दा हामीलाई रिस उठ्न सक्छ । कहिलेकाहीं त हामी रिस नियन्त्रण गर्न सक्दैनौं र बच्चालाई सजाय दिन्छौं । यो राम्रो हैन भन्ने हामीलाई थाहा छ । के गर्न सक्छौं त यस्ता जिद्दी बच्चालाई ? अनुशासन भनेको बच्चालाई नियन्त्रणमा राख्नु हैन, बरु बच्चाले आफैंलाई नियन्त्रणमा राख्न सिक्नु हो । पहिलो कुरा त हामीले यस्तो किन भएको हो भन्ने बुझ्नुपर्‍यो । उदाहरणका लागि बच्चालाई खाना खान बोलाउनुभयो, तर ऊ आउनै मान्दैन । जबर्जस्ती तानेर वा गाली गरेर ल्याउनुभयो भने ऊ रुन्छ ।

एक पटक आफूलाई उसको ठाउँमा राखेर हेर्नुस् त । ऊ खेलिरहेको छ र उसलाई त्यो कुरा मन परिरहेको छ । तपाईं ऊ खेलिरहेको ठाउँमा गएर माया गरेर अँगालो मार्नुस् र भन्नुस् कि ‘तिमीलाई खेल्न मज्जा आइरहेको मलाई थाहा छ, तर खाना तयार छ, सेलाउँछ, पहिला खान खाऊ अनि खेल्ने, बरु म पनि सँंगै खेल्छु ।’ यसो गर्दा उसले खेल्न नपाउनुको कारण तपाईंलाई ठान्दैन । बरु तपाईं उसको पक्षमा हुनुहुन्छ भन्ने सोच्छ । उसलाई नरिसाइकनै खेल्न छुटाउनुहोस् र खाना खाने टेबलमा भने अवश्य ल्याउनुहोस् । दोस्रो तरिका भनेको कुनै पनि कुराको निश्चित सीमा तोकिदिनु हो ।

बच्चालाई कुन कुरा गर्नुपर्छ र कुन कुरा कुनै हालतमा गर्नुहुन्न भन्ने थाहा दिनुपर्छ । वास्तवमा उनीहरूलाइ यस्तो सीमारेखा तोकिदिएको मन पनि पर्छ । उदाहरणका लागि सडकमा बाटो काट्दा उसले तपाईंको हात समात्नैपर्छ भन्नुहोस् । उसको साथीले खेलौना खोसिदियो भने पिटेर लिने हैन, मेरो खेलौना देऊ भनेर मागेर लिनपर्छ भन्नुहोस् । उसको एकदमै मनपर्ने खेलौना उसलाई जतिखेर पनि चाहिन्छ भने खास–खास बेलामात्र लिन पाउने नियम बनाएर पालना गराउनुहोस्, नकि रिसाएर खोसिदिने । कहिलेकाहीं उनीहरूलाई सीमा तोकिदिए वा नियम बनाए अनुसार पालना गराउन सकिँदैन । यस्तो बेला कुनै समाधान खोज्नुपर्छ । जस्तै– तपाईंको चार वर्षको छोरोले एक वर्षकी छोरीलाई जति गरे पनि पिट्न छोडेन ।

सम्भवत: ऊ बहिनीको कारण आफूले आमाको समय नपाएर बहिनीलाई पिट्दैछ होला । उसलाई बहिनीलाई खुवाउने वा कपडा लगाइदिने काममा आफूसंँगै संलग्न गराउन सक्नुहुन्छ । अनि सकेसम्म उसका लागि पनि विशेष समय निकाल्नुपर्ने हुन्छ । बच्चालाई अनुशासनमा राख्ने अर्को तरिका भनेको राम्रो व्यवहारलाई प्रोत्साहन गर्नु हो । तपाईंले उसले नराम्रो गरेको बेलामात्र समात्ने नगरेर केही राम्रो गरेको कुरा याद गरेर त्यसका लागि स्याबासी दिने गर्नुभएको छ भने उसले राम्रो बानीलाई अंँगाल्न थाल्छ । जस्तो कि उसले साथीलाई केही कुरा दिइरहेको देख्नुभयो भने यसरी नै मिलेर खेल्नुपर्छ है भन्नुस् । ऊ खेलौना साटासाट गर्न झन् खुसी हुनथाल्छ ।

त्यस्तै बच्चाले कुनै गल्ती गरेको बेला ऊ आफै नराम्रो मानिरहेको हुन्छ । यस्तो बेला उसलाई तुरुन्तै गाली नगर्नुस् । बरु शान्त भएर रिस उठेको बेला के गर्नुपर्छ भन्ने उदाहरण देखाउनुहोस् । सजाय दिँदा केही बेरका लागि डराएर पनि उसले राम्रो गरेजस्तो देखाउला वा नराम्रो नगर्ला । तर बच्चाले मनपरेर वा आफूलाई खुसी लाग्ने भएकोले कुनै कुरा गर्छ भने त्यो दिगो हुन्छ । हाम्रो प्रयास बच्चालाई सकारात्मक व्यवहार प्रोत्साहन गर्नेतिरै केन्द्रित हुनुपर्छ ।

जब हामी बच्चालाई आफै केही कुरा रोज्ने वा आफ्नो इच्छाले कुनै राम्रो काम गर्ने अवसर दिन्छौं, उसले आफ्नो नियन्त्रित वातावरणमा केही आफ्नोपन वा स्वतन्त्रता महसुस गर्न पाउँछ । जस्तै– बच्चाले कोठाभित्रै बल खेलेर टिभी भएतिर हान्दैछ भने कोठामा बल नखेल भन्नुको सट्टा बाहिर गएर एकछिन सँंगै खेलिदिनुस् । अनि उसले बल खेल्न बाहिर जानुपर्छ भन्ने सिक्छ । कहिलेकाहीं उसलाई जित्न पनि छोडिदिनुपर्छ । जस्तो कि कुनै दिन उसले रातो ट्राउजरसंँग निलो धर्का भएको सेतो टिसर्ट नै लगाउन झगडा गर्दैछ भने लगाउन दिनुहोस् । कुन कुरामा कडाइ गर्ने र कुन कुरा स्वतन्त्र छोडिदिने भन्ने विचार गर्नुपर्छ । अनुशासन सिकाउँदै गर्दा बच्चाको उमेर र उसको क्षमता सधंै मनन गर्नुपर्छ ।

बच्चालाई कुनै सीप सिक्न समय लाग्छ र तपाईंको अलिकति मिहिनेत पनि । जथाभावी दिसापिसाब गर्‍यो भनेर रिसाउनु वा गाली गर्नुभन्दा उसलाई सही समयमा सही तरिकाले ट्वाइलेट जान अभ्यस्त गराउनुपर्छ । तपाईंले बच्चाले भनेको मानेन भन्ने सोचेको कुरा कतै उसले सिकेकै पो छैन कि ? अनुशासन भनेको बच्चालाई नियन्त्रणमा राख्नु हैन, बरु बच्चाले आफैलाई नियन्त्रणमा राख्न सिक्नु हो । फेरि बच्चाको समय र हाम्रो समय एउटै हैन । उसले सोच्ने तरिका र हामीले सोच्ने तरिका पनि एउटै नहुन सक्छ । उसलाई समय दिनुपर्छ, माया गरेर ढाडस दिँदै सिकाउनुपर्छ र जिद्दी गर्दैमा सबै कुरा पाइन्छ भन्ने सोचाइ आउनबाट पनि बचाउनुपर्छ ।

Nepali Agan बाट साभार 

पानी खाने जार कसरी बनाइन्छ हेर्नु होला

CLICK THIS VIDEO

सनराइज बैंकको बोनस पाउन कसले तिर्नुपर्छ कर ?

सनराइज बैंक(SRBL)  ले २०७३ माघ २९ गतेपश्चात साधारण सभाका लागि सेयरधनी किताब बन्द भएको मिति (गत कात्तिक १२ गते) सम्म सेयर खरिद गरेर कायम रहेका सेयरधनीले बोनस प्राप्त गर्न कर तिर्नुपर्ने जनाएको छ ।
सेयर अभौतिकिकरण गरेका र बोनसको कर तिर्नु नपर्ने सेयरधनीलाई भने सभाबाट पारित १५ प्रतिशत बोनस सेयरधनीको हितग्राही खातामा पठाइसकेको बैंकले जनाएकाे छ ।
कर तिर्नुपर्ने सेयरधनीले बोनस सेयरको कर बापतको ५ प्रतिशतले हुने रकम सनराइज बैंकको खाता नम्बर ०६९०३७१११४७०१००२ मा जम्मा गरेको रसिद पेश गरे पश्चात मात्र बोनस सेयर हितग्राही खातामा जम्मा गरिने बताएको छ ।
बैंककाे १० औं बार्षिक साधारण सभाले गत अार्थिक बर्षकाे नाफाबाट सेयरधनीलार्इ १५ प्रतिशत बोनस सेयर वितरण गर्ने प्रस्ताव पारित गरेकाे थियाे ।
हालसम्म पनि भौतिक सेयर ग्रहण गरेका सेयरधनीले यस बैंकको सेयर रजिष्ट्रार सनराइज क्यापिटल तथा कुनै निक्षेप सदस्य तथा वित्तिय संस्थाबाट डिम्याट खाता खोलेर सेयर अभौतिकिकरण गरेपश्चात मात्र बोनस वितरण हुने बैंकले जनाएको छ ।
बैंकले वितरण गरेको बोनस सेयर चैत २८ गते नेप्सेमा सूचीकृत भएको थियो ।

merolagani.com  बाट

स्वस्थ रहन यसरी गहिरो निदाउनुस् ।

 स्वस्थ रहन मानिसलाई उमेर अनुसार कम्तीमा दैनिक ६ घन्टा निदाउनु पर्ने हुन्छ। चाहिने जति निदाइएन भने डायबेटिज, डिप्रेसनजस्ता रोगले हाम्रो शरिरमा ठाउँ लिएका हुन्छन् ।तर, पछिल्लो समयमा पनि विश्वव्यापी रुपमै मान्छे कम निदाउने वा निदाउन नसक्ने अनुसन्धानहरुले समेत प्रष्ट पारेका छन्। अनुसन्धानहरुले पछिल्लो समयमा विभिन्न कारणले मानिसको निद्रा विथोलिएको देखाएका छन्। आफ्नै र बाह्य कारणले गर्दा मानिसको निद्रा अनियमित हुँदै गएको हो। राम्रो निद्रा नलाग्नु र दीर्घकालीन रुपमा निद्रा नलाग्नुले बुढेसकालमा देखा पर्ने रोगहरु लाग्ने अनुसन्धकर्ताहरु बताउँछन्।गहिरो निद्राका लागि यसो गर्नुस्ः
सुत्ने तालिकाः सधैँ एउटै समयमा सुत्ने र उठ्ने बानी बसालेमा अनिद्राको समस्या बिस्तारै हट्दै जानेछ ।
खानेकुरा : तरकारी, दाल, फलफूल, सलाद, दूधजस्ता हलुका खाना उपयुक्त मानिन्छन्, जसले मीठो निद्रा लगाउन मद्दत पुर्‍याउँछन् ।
नुहाउनुःशरीर एक हदसम्म चिसो नभएसम्म मीठो निद्रा पर्दैन भन्ने कुरा विभिन्न अनुसन्धानले पुष्टि गरिसकेका छन् । नुहाउनैपरे पनि सुत्नुभन्दा केही घण्टाअगाडि नै नुहाउने बानी बसाल्नुपर्छ ।
बत्ती : बेडरुममा मधुरो प्रकाशको बन्दोबस्त गर्नुस् । जसले गर्दा मीठो निद्राका लागि आवश्यक मुड ओछ्यानमा पल्टिनुअघि नै बन्नपुग्छ ।
मोबाइल : सुत्दाखेरि मोबाइल अनिवार्य रूपमा साइलेन्स मोडमा राख्ने गर्नुस् ।
चुरोटः चुरोट नखाने मानिस खानेहरूको तुलनामा चार गुणा बढी राम्रोसँग निदाउने गर्छन् भन्ने तथ्य अनुसन्धानबाट पुष्टि भइसकेको छ । चुरोटमा पाइने निकोटिनले गर्दा राम्रोसँग निदाउन सकिँदैन ।
लेख्नेः अधिकांश मानिसले मनमा अनेक कुरा खेल्ने भएकाले निद्रा नलाग्ने गरेको मनोचिकित्सकले बताउने गरेका छन् । उनीहरू यस्तो समस्या भएकाहरूले मनमा गुम्सिएका कुरा सुत्नुअघि डायरीमा लेख्ने गरेमा निदाउन सहज हुने सुझाव छ ।
सकारात्मक सोच राख्नुस्न : सुत्नुअघि आज राम्रा काम के–के गरियो र भोलि के–के राम्रा काम गर्न सकिन्छ भन्नेबारे विचार गर्नुस् । यसले तपाईंको मनलाई तनाव र छटपटीबाट मुक्त गराउँछ । यसको सीधा असर निद्रामा पर्छ ।

news24nepal बाट

राजधानीको एउटा अस्पतालमा एक सय रुपैयाँमै उपचार हुन्छ

न्युन आय भएका व्यक्तिहरु धेरै पैसा लाग्ने भयले अस्पताल जान डराउँछन् । र शरिरमा रोग पालेर बस्ने गर्छन् । बिरामीलाई यस्तो अवस्थाबाट मुक्त गर्न यो अस्पताल खोलिएको हो । बाँसबाट बनाईएको अस्पताल, बाहिरबाट हेर्दा कुनै कटेज होटल जस्तो चिटिक्क देखिन्छ । यहाँ उपचार गराउन एक सय रुपैया भन्दा बढि शुल्क तिर्नु पर्दैन् ।

काठमाण्डौको मित्रपार्क चोकबाट गुह्येश्वरी हुँदै गएपछि कुमारीगालमा रहेको एउटा अस्पतालमा पुगिन्छ । बाँसबाट बनाईएको यो अस्पताल, वाहिरबाट हेर्दा कुनै कटेज होटल जस्तो चिटिक्क देखिन्छ । अझ, त्यसलाई चम्काउन गुलाबी रंग प्रयोग गरिएको छ । गेटबाट छिर्ने बित्तिकै दायाँतिर डाक्टरको सूची देखिन्छ । बायाँतिर टिकट काट्ने काउन्टर छ ।

तपाईलाई के रोग लागेको छ, काउन्टरमा भन्नुहोस् । काउन्टरमा बस्ने व्यक्तिले तपाईको रोग अनुसारको डाक्टरको नाम सिफारिस गर्छन् र तपाईको हातमा एउटा पूर्जा थमाउँछन् ।

अब तपाईले विशेषज्ञ डाक्टरलाई देखाउन पैसा तिर्नुपर्छ ।

हाम्रो कथा २०७५ वैशाख २ गते १७:५८

काठमाण्डौको मित्रपार्क चोकबाट गुह्येश्वरी हुँदै गएपछि कुमारीगालमा रहेको एउटा अस्पतालमा पुगिन्छ । बाँसबाट बनाईएको यो अस्पताल, वाहिरबाट हेर्दा कुनै कटेज होटल जस्तो चिटिक्क देखिन्छ । अझ, त्यसलाई चम्काउन गुलाबी रंग प्रयोग गरिएको छ । गेटबाट छिर्ने बित्तिकै दायाँतिर डाक्टरको सूची देखिन्छ । बायाँतिर टिकट काट्ने काउन्टर छ ।

तपाईलाई के रोग लागेको छ, काउन्टरमा भन्नुहोस् । काउन्टरमा बस्ने व्यक्तिले तपाईको रोग अनुसारको डाक्टरको नाम सिफारिस गर्छन् र तपाईको हातमा एउटा पूर्जा थमाउँछन् ।

अब तपाईले विशेषज्ञ डाक्टरलाई देखाउन पैसा तिर्नुपर्छ ।

कति थाहा छ ?

जम्मा एक सय रुपैया ।

कस्तो पत्याउनै गाहे लाग्ने कुरा ।

हो, राजधानीको एउटा अस्पतालमा एक सय रुपैयाँमा नै रोगको उपचार हुन्छ ।
बिरामीले प्याथोलोजी सेवा लिनु परे या ईसीजी वा अल्ट्रासाउन्ड गर्नुपरे थप शुल्क तिर्नु पर्दैन । अझ रमाईलो कुरा त, ज्येष्ठ नागरिक परिचयपत्र भएका बिरामीलाई त अस्पतालले निःशुल्क उपचारको व्यवस्था गरेको छ । अपांग तथा महिलाको लागि पनि अबस्था हेरेर अस्पतालले शुल्कमा छुट दिदै आएको छ ।

न्युन आय भएका व्यक्तिहरु धेरै पैसा लाग्ने भयले अस्पताल जान डराउँछन् । र शरिरमा रोग पालेर बस्ने गर्छन् । बिरामीलाई यस्तो अवस्थाबाट मुक्त गर्न अस्पताल खोलिएको अस्पतालका संस्थापक उत्तम संजेल बताउँछन् ।

अस्पताल गएको असार २३ गतेबाट सञ्चालनमा आएको हो । अस्पतालले ओपीडी सेवा मात्र उपलब्ध गराउन सकेको छ । र, पनि दैनिक करिब २७ सय जना बिरामीले अस्पतालबाट सेवा लिईरहेका छन् ।

हाँस्य कलाकारद्वय मदनकृष्ण श्रेष्ठ र हरिवंश आचार्य यस अस्पतालका संरक्षक हुन् ।

र, यो कथा समता अस्पतालको हो ।

www.hamrokatha.com बाट